بجد موقع تحفة عجبنى جدا انا بقى مش عارفة ان كنت بحب حبيى ولا لاء بس الى اعرفة اننا ديما مختلفين22/3/2010

لسه بتشتري الورد من بتاع الورد وبتقعد ع النيل ساعة مغربية
وتبص للشمس بتسهيم وتسبيل وأنت بتلعب اللعبة إياها
"بتحبني.. مابتحبنيش.. بتحبني.. مابتحبنيش"
وفي الآخر تطلع ما بتحبنى ايوة وكمان 90فى المائة14/2/2010

أنا كنت واقع خالص وباموت فيها ولا كنت عارف أنا بالنسبة لها إيه، وجبت لها هدية عشان الفالنتين ومش عارف هاقدمها لها ازي ولا بصفتي إيه.. لحد ما جِه اليوم ده.. لقيتها هي جايبة لي هدية.. حوض سمك كبير بالسمك بكل حاجة.. كانت أحلى حاجة حصلت في حياتي.. بس أسوأ حاجة بقى إن السمك كله مات بعد أسبوع!!

14/2/2010

كان نفسي أعمل أي تجديد في حياتنا أنا ومراتي حبيبتي ونفتكر أيام الحب والجامعة والخطوبة. روّحت بدري قبلها في اليوم ده وفرشت أرضية البيت بالورد والشموع برائحة الياسمين وورق ورد جاف ريحته حلوة برضه.. واشتريت تورتة وحطيتها على السفرة وسط الشموع.. يعني صرفت حوالي 400 جنيه بس. طفيت النور وقعدت في وش الباب وأنا حاطط إيدي على الكمبيوتر عشان أول ما تدخل أشغل أغنية I want to spend my life loving you بتاعة زورو اللي بتموت فيها، وكان نفسها تبقى في فرحنا ورقصنا عليها سلو.. فتحت الباب وشغلت الأغنية... وأول ما شافت المنظر رمت الشنطة على الأنتريه وقالت: إيه اللي بهدل الشقة كده؟؟!

14/2/2010

خطيبتي حبيبتي كانت زعلانة مني ومش بتكلمني لأني مش باهتم بيها زي ما بتهتم بي وبتقول لي إن ده دليل على إنك مش بتحبني زي ما باحبك.. وأنا بصراحة أهبل قوي في الحاجات دي وهي معاها حق.. بس أنا والله باموووت فيها فوق ما تتخيل هي بس مش باعرف أعبر ولا أقول. يوم الفالنتين جه بعد ما اتخانقت معايا بيومين.. رحت وديت عربيتي لمحل الورد وخليته يوزع عليها كلها ورد أحمر وأبيض وروز.. وفوق السيارة عملت صندوق على قد السقف مربوط بفيونكة كبيرة. حطيت فيه الهدية ورحت عندهم ووقفت لها قدام البيت... وصالحتها.

14/2/2010

العداد دة حقيقى يانهار ابيض14/2/2010

ههههههه.. أحلى حاجة حصلت لي في يوم الحب؟؟! مش فاكر غير إني في اليوم ده كتبت كتابي على مراتي حبيبتي.. واحنا دلوقت عندنا بيبي.. ههههههه.. مفاجأة.. صح؟

14/2/2010

أجمل مفاجأة في حياتي حصلت في الفالنتين، لما واحدة صاحبتي جابت لي هدية وقالت لي إن اليوم ده مش بس للي بيحبوا بعض "الشباب والبنات"..

14/2/2010

هههههههههههههههه لو اوى العداد بس مفيش نصي هههههههه14/2/2010

أسوأ فلانتين عدّى عليّ كان السنة اللي فاتت لما خرج مع أصحابه ولا عبرني..!لكن السنادى حاجة تانية اتجوزنا14/2/2010

كنت باموت فيها وكانت بتحبني في الجامعة.. وقررت أتقدم لها بس أجِّلت الموضوع لحد عيد الحب وعرّفت كل أصحابي أنا هاعمل إيه.. كان عيد ميلادها قبل عيد الحب بأسبوع فاتصلت بيها بس وقلت لها كل سنة وهي طيبة. ويوم الحب، جبت لها بوكيه ورد كبير وغالي وهدية محترمة وقدمتها لها وسط أصحابنا وطلبت منها نبقى مع بعض طول العمر و.... رفضتني!

14/2/2010

أنا وحبيبي بنحب بعض من أيام الجامعة واتخرجنا واشتغلنا ولسه بنحب بعض، بس كنت بدأت أقلق لأنه مافتحش موضوع الجواز.. في الفالنتين اللي فات قال لي إنه نفسه يجمع كل جروب الجامعة وحصل وخرجنا كلنا سوا وركبنا مركب في النيل.. واحنا في المركب وقدام الكل طلب مني الجواز.. وكان أحلى يوم في عمري.. ادعو لي لأن اليوم اللي أحلى منه هيبقى كمان 4 شهور.. فرحي يا جماعة. يامعانا اون لاين الكل معزوووووووووووم

14/2/2010

أنا كرهت الفالنتين واللي يتشدد له... بيفكرني لما كنت أنا وحبيبي متضايقين من بعض وأنا علشان أصالحه جبت له هدية بارفان "سنييه" تحفة... ويومها اتخانقنا وكسر زجاجة البارفان.

14/2/2010

أنا مخطوبة عن حب.. وفي اليوم ده عزمني أنا واخواتي عندهم في البيت وهو على فكرة بيحب الموسيقى وبيغني وبيلحن هو ومجموعة من أصحابنا.. رحت ولقيته عازم كل أصحابنا كانوا قاعدين دواير وساكتين وعاملين إضاءة هادية وأول ما دخلت بدأ حبيبي يغني لي أغنية عملها لي مخصوص وهو اللي كتب كلماتها ولحنّها وهمّ عاملين نفسهم كورال... وبعد ما خلّص الأغنية لسه فيه أحلى مفاجأة... إنه حدد ميعاد الفرح وحجز في المكان اللي كنت باحلم إن فرحي يكون فيه..

14/2/2010

أسوأ ما حصل لي في الفالنتين لما حماتي اتخانقت معايا خناقة كبيرة عشان شايفة إنه كلام فارغ ودلع إن جوزي –اللي هو ابنها- يكلف نفسه ويجيب لي هدية في اليوم ده! أجمل مفاجأة حصلت لي بقى إن جوزي حبيبي جاب لي هدية وسهرنا مع بعض بره البيت!

14/2/2010