أَهِى قَلبِت غَم ياسى شادى ياما نَصَحتَك كُله إلاّ دِى إوعَى تِغش فى الإمتحانات فى الثانوى أو فى الإعدادى آدى مُراقبك شَد وَرقتَك بعد ماشاف بِرشامك بَادى والمَحضَر مَكتوب مَحبوك بعد ماناس فى اللّجنَه شافوك كتبتهولك أحلى أيادى مانا حَذَرتَك مِاللعبادِى تِسهَر تِكتِب فى البِرشام تكتب فيه أسابيع وايام وكل ما إيدك تِتعَب حَبّه تِدخل وتريَّح وتنام وتقوم تانى على بِرشامك بمحبه وإِخلاص ياهُمام لو وقت البِرشام دَا مُذاكره كان حالَك كُلُه بَأه تَمام إخْص على عمايلَك ياسى شادى ضاع من عُمرَك ياجميل عَام خد بأَه دَرس من اللّى حَصَل لَك وإياك تانى تقول بِرشام دا اللى يغِش ماهُواش مِنا والغِش فى الشَرع حرام
القسم : فنك معانا - الزيارات : 232 - التاريخ : 22/1/2010 - الكاتب : الاستاذ /أسامة سرحان
شريف عمرو
عروض الإمتحانات قوية جدا السنة دى :- لية تشيل ماده لما ممكن تشيل أكتر؟ لية تشيل لوحدك لما ممكن تشيل انت وصحابك؟ مع خدمة أفشل ناس ..اختار 3 من صحابك يشيلوا معاك مع نظام شيلنى شكرا..... سعر الماده خمس قروش ههههههههه وشكر ا على الكلام الممتاز استاذ اسامة24/1/2010
مروة نبيل
اشكرك جدا استاذ اسامة واشكر اسرة موقع معانا اون لاين على الابداع الدائم يوميا فى الموقع ولكل جزيل الشكر والعرفان23/1/2010
بجد يا استاذ اسامة كل مواضيعك جامدة جداااااااا ومستنين المزيد الايام المقبلة وشكرا جزيلا23/1/2010
ياسر توفيق
فى انواع كتير للغش ياباشا فى الصر الحديث الكل اليوم بيغش ودى حقيقى مش فى الامتحانات بس لا فى كل حاجة بس فى الاخر دة كلام رائع جدا يا استاذنا الكببير اسامة سرحان ودايما منورنا فى كل مكان على الانترنت23/1/2010
احمد علاء
بجد حاجة جامدة جدااااااااااااااااااااااااااااا وكلام مفيد للجميع لكل المراحل التعليمية صغار وكبار شكرا استاذ اسامة سرحان ومستنين من حضرتك المزيد باءذن الله23/1/2010
شريف عمرو
مروة نبيل
mohamed_may2010
23/1/2010
عزة خليل
ياسر توفيق
احمد علاء
ميدو
سليمان منصور
مروة توفيق